Wah kya Jood-o-Karam he shahe-batha tera-lyrics

Wah kiya Jood-o-Karam he shahe -batha tera lyrics

 

Wah kya Jood-o-Karam he shahe-batha tera-lyrics

• Waah kya Jood-o-Karam he shah-e-batha tera

Nahi sunta hi nahi maangne wala tera

• Dhaare chalte hen ataa ke woh he qatrah tera 

Tare khilte hen sakha ke woh he zarrah tera

• Faiz he ya shahe -tasneem niralaa tera 

Aap piyason ke tajas-sus me he daryaa tera

• Aghniyan palte hen dar se woh he bara tera 

Asfiyan Chalte hen sar se woh he rasta tera

• Farsh waale teri shaukat ka uloo kya jaanein

Khusrawaa arsh pe urta he pharera tera

• Aasmaan khwaan, zameen khwaan, zamaana mehmaan

Saahib-e-khaana laqab kis ka he tera tera

• Main to maalik hi kahunga ke ho Maalik ke Habeeb

Yaani mehboob-o-muhib me nahin meraa tera

• Tere qadmon me jo hain ghair ka munh kya dekhein, 

Kaun nazron pe charhe dekh ke talwaa tera 

• Behr-e-Saail ka hoon saail nah kunwe ka pyasaa, 

Khud bujhaa jaaye kaleja mera cheenta tera

• Chor hakim se chupa karte hain yaa'n uske khilaaf, 

Tere daaman me chupe chor anokha tera

• Aankhein thandi hon jigar taaze hon jaanein sairaab, 

Sachhe sooraj woh dil aaraa he ujaala tera 

Dil abas khauf se patta saa uraa jaata he

• Dil abas khauf se patta saa uraa jaata he, 

Palla halka sahi bhaari he bharosa tera. 

• ik me kiya mere isiyaan ki haqeeqat kitni, 

Mujh se so lakh ko kaafi he ishaara tera. 

• Muft paala thaa kabhi kaam ki aadat na parri, 

Ab 'amal poochte hain haaye nikamma tera. 

• Tere tukron se pale gher ki thokar pe na daal, 

Jhirkiyaan khaayein kahaan chhor ke sadqa tera. 

• Khwaar-o-beemaar-o-khatawaar-o-gunahgaar hoon me, 

Raafe-o-naafe-o-shaafe laqab aaqa tera. 

• Meri taqdeer buri ho toh bhali kar dey ke he, 

Mehwe isbaat ke daftar pey karora tera. 

• Tu jo chaahe toh abhi mail mere dil ke dhulein, 

Ke Khuda dil nahin karta kabhi mailaa tera. 

• Kis ka munh takiye kahaan jaaiye kis se kahiye, 

Tere hi qadmon me mit jaaye yeh paala tera. 

• Tu ne islaam diya tu ney jama'at me liyaa, 

Tu karim ab koi pherta he attiyyah tera 

• Maut suntaa hoon sitam talkh he zehr aab-e-naab, 

Kaun laa dey mujhe talwon ka ghasaalah tera. 

• Door kiya jaaniye badkaar pey kaisi guzre, 

Tere hi dar pey mare bekas-o-tanhaa tera. 

• Tere sadqe mujhe ik boond bohot he teri, 

Jis din achon ko mile jaam chalaktaa tera. 

• Haram-o-Taibah-o-Baghdaad jidhar kijiye nigaah, 

Jowt parti he teri noor he chantaa tera. 

• Teri sarkar me laa-ta he RAZA usko shafi 

Jo meraa Ghaus he or laadlaa betaa tera. 

Wah Kiya Martaba Ae Ghaus he bala tera

• Wah kiya martaba Ae Ghaus he bala tera 

Oonche oonchon ke saron se qadam aa'laa tera. 

• Sar bhalaa kya koi jaane ke he kaisa tera, 

Auliya malte hain aankhein woh he talwaa tera. 

• Kiya dabe jis pey himaayat ka ho panjah tera, 

Sher ko khatre me laata nahin kuttaa tera. 

• Tu Husaini Hasani kyoon nah muhiyuddin ho, 

Aay khizar majma'-e-bahrain he chashma tera. 

• Qasme dey dey ke khilaata he pilaata he tujhe, 

Pyaara Allah tera chaahne waala tera. 

• Mustafa ke tane bey saaye ka saaya dekha, 

Jis ney dekha meri jaan jalwaa-e-zaybaa tera. 

• Ibn-e-Zahraa ko mubaarak ho 'aroos-e-qudrat, 

Qaadiri paayein tasadduq mere dulhaa tera. 

• Kyoon nah qaasim ho ke tu ibn-e-abil-qaasim he, 

Kyoon nah qaadir ho ke mukhtaar he baaba tera. 

• Nabavi meenh 'alawi fasl batooli gulshan, 

Hasani phool Husaini he meheknaa tera. 

• Nabavi zil alawi burj batooli manzil, 

Hasani chaand Husaini he ujaalaa tera. 

• Nabavi khur 'alawi kooh batooli ma'din, 

Hasani la'l Husaini he tajallaa tera. 

Behr-o-bar sheher-o-quraa sehel-o-hazan dasht-o-chaman

• Behr-o-bar sheher-o-quraa sehel-o-hazan dasht-o-chaman 

Kaun se chak pe pohonchtaa nahin da'waa tera

• Husn-e-niyyat ho khataa phir kabhi karta hi nahin

Aazmaayaa he yagaana he dogaana tera. 

• 'Arz-e-ahwaal ki pyaason me kahaan taab magar

Aankhein aay abr-e-karam takti hain rastaa tera. 

• Maut nazdeek gunaahon ki tahein mail ke khowl

Aa baras jaa ke nahaa dho le ye pyaasa tera. 

• Aab aamad woh kahe aur me tayammum bar khaast

Musht khaak apni ho aur noor ka ahlaa tera

• Jaan to jaate hi jaayegi qayaamat ye he

Ke yahaan marne pe thehra he nazaarah tera

• Tujh se dar dar se sag aur sag se he mujh ko nisbat

Meri gardan me bhi he door ka doraa tera

• Is nishaani ke jo sag hain nahi maare jaate

Hashr tak mere gale me rahe patta tera. 

• Meri qismat ki qasam khaayein sagaan-e-Baghdad

Hind me bhi hoon to deta rahoon pehra tera

• Teri izzat ke nisaar aay mere ghairat waale

Aah sad aah ke yoon khwaar ho barda tera

• Bad sahi, chor sahi, mujrim-o-naakaarah sahi

Aay woh kaisa hi sahi he to kareema tera. 

• Mujh ko ruswaa bhi agar koi kahegaa to yoon hi

Ke wohi naa, wo RAZA banda-e-ruswa tera

• Aay RAZA yoon na bilak tu nahin jayyid to na ho

Sead-e-jayyid-e-har dehr he mawla tera

• Fakhr-e-Aaqa me RAZA aur bhi ik nazm-e-rafee'

Chal likha laayein thanaa khwaanon me chehraa tera

Tu he woh Ghaus ke har Ghaus he shaida tera

• Tu he woh Ghaus ke har Ghaus he shaida tera

Tu he woh ghais ke har ghais he pyaasa tera 

• Sooraj aglon ke chamaktey the chamak Kar doobe

Ufaq-e-Noor pe he mehr hamesha tera. 

• Murgh sab boltey hain bol ke chup rehte hain

Haan aseel ek nawa sanj rahega tera

• Jo wali qabl the ya ba'd huwe ya hongey, 

Sab adab rakhte hain dil me mere Aqaa tera. 

• Baqasam kehtey hain shahaan-e-sarifeen-o-hareem, 

Ke hua he nah wali ho koi hamtaa tera. 

• Tujhse aur dahar ke aqtaab se nisbat kaisi, 

Qutub khud kaun he khaadim tera chelaa tera. 

• Saare aqtaab jahaan karte hain Kaa'be ka tawaaf, 

Kaa'ba karta he tawaaf-e-dar-e-waala tera. 

• Aur parwaane hain jo hote hain Kaa'be pey nisaar, 

Shama'a ek tu he ke parwaanah he Kaa'ba tera. 

• Shajr-e-sar-o-sahee kis ke ugaaye tere, 

Maarifat phool sahi kis ka khilaaya tera. 

• Tu he naushaah baraati he yeh saara gulzaar, 

Laayi he fasl-e-saman goondh ke sehra tera. 

• Daaliyan jhoomti hain raqs-e-khushi josh pey he, 

Bulbulein jhoolti hain gaati hain sehra tera

• Geet kaliyon ki chatak ghazlein hazaaron ki chehek, 

Baagh ke saazon me bajta he taraana tera. 

• Saf-e-har shajrah me hoti he salaami teri, 

Shaakhein jhuk-jhuk ke baja laati hain mujra tera. 

• Kis gulistaan ko nahin fasl —e-bahaari se niyaaz, 

Kaun se silsile me faiz nah aaya tera. 

• Nahin kis chaand ki manzil me tera jalwa-e-noor, 

Nahin kis aaine ke ghar me ujaala tera 

------------- --------- --------- ---------

• Raaj kis sheher me kartey nahin tere khuddaam, 

Baaj kis neher se letaa nahin darya tera

• Mazr'ae Chisht-o-Bukhara-o-Iraaq-o-Ajmer, 

Kaun si kisht pey barsa nahin jhaala tera

• Aur mehboob hain, haan par sabhi yaksaan to nahin, 

Yoon to mehboob he har chaahne wala tera. 

• Is ko sau fard sarapaa ba-faraghat oorhein, 

Tang ho kar jo utarne ko ho neema tera. 

• Gardanein jhuk gayin sar bich gaye dil laut gaye, 

Kashf-e-saaq aaj kahaan yeh to qadam tha tera. 

• Taaj-e-farq-e-irfaa kis ke qadam ko kahiye, 

Sar jise baaj dein woh paaon he kiska tera. 

• Sukr ke josh me jo hain woh tujhe kya jaanein, 

Khidr ke hosh se pooche koi rutba tera

• Aadmi apne hi ehwaal pey karta he qiyaas, 

Nashe waalon ney bhula sukr nikaala tera

• Woh to choota hi kaha chahein ke hain zer-e-hadeed 

Aur har auj se ooncha he sitarah tera. 

• Dil-e-aa'da ko RAZA tez namak ki dhun he, 

Ek zara aur chirakta rahey khaamah tera. 

AL AMAAN QEHER HE AAY GHAUS WOH TEEKHA TERA 

• A1 amaan qeher he aay Ghaus woh teekha tera, 

Mar ke bhi chain se sotaa nahin maara tera. 

• Baadalon se kahin rukti he karakti bijlee, 

Dhaalein cheent jaati hain uthta he jo tegha tera. 

• Aks ka dekh ke munh aur biphar jaata he, 

Chaar aaina ke bal ka nahin nezaa tera. 

• Koh-e-sar mukh ho to ek waar me do par kaale, 

Haath parta hi nahin bhool ke aucha tera. 

• Is pey yeh qeher ke ab chand mukhalif tere, 

Chahate hain ke ghata dein kahin paaya tera. 

• Aql hoti to Khuda se nah laraai lete

Yeh ghatayen uoose manzoor barhana tera. 

• Wa-rafa-naa laka zikrak ka he saya tujh par 

Bol bala he tera zikr he ooncha tera

• Mit gaye mit te hen mit jayenge aa-daa tere

Na mitaa he na mitega kabhi charcha tera. 

• Tu ghataaye se kisi ke na ghata he na ghatay, 

Jab barhaaye tujhe Allah Ta'ala tera. 

• Samm-e-qaatil he Khuda ki qasam unka inkaar, 

Munkir-e-fadl-e-Huzoor aah ye likkha tera. 

• Mere seaaf ke khanjar se tujhe baak nahin, 

Cheer kar dekhe koi aah kaleja tera. 

• Ibn-e-Zahra se tere dil me hain ye zeher bhare, 

Bal be ow munkir-e-be baak yeh zuhra tera. 

• Baaz-e-ashhab ki ghulaami se yeh aankhein phirni, 

Dekh ur jayega imaan ka tota tera. 

• Shaakh par baith ke jar kaatne ki fikr me hain, 

Kahin neecha na dikhee tujhe shajra tera. 

• Haq se bad ho ke zamaane ka bhala banta he, 

Are main khoob samajhta hoon mua'mma tera. 

• Sag-e-dar qeher se dekhe to bikharta he abhi, 

Band band-e-badan aay roobeh duniya tera

• Gharz aaqa se karoon arz ke teri he panaah

Bandah majboor he khaatir pe he qabza tera

• Hukm-e-naafiz he tera khaamah tera saif teri

Dam main jo chaahe kare dor he shahaa tera

• Jis ko lalkaar de aata to ultaa phir jaaye

Jis ko chamkaar le har phir ke woh tera tera

• Kunjiyan dil ki Khuda ne tujhe dein aisi kar

Ke yeh seena ho mohabbat ka khazeena tera

• Dil pe kundah ho tera naam ke wo duzd-e-rajeem

Ulte hi paaon phire dekh ke tughra tera

• Naz'aa me gor me meezaan pe sar-e-pul pe kahin

Na chutay haath se daamaan-e-mu'alla tera

• Dhoop mahshar ki woh jaan soz qayaamat he magar

Mutmain hoon ke mere sar pe he pallaa tera

• Bahjat is sir ki he jo bahjatul asraar me he

Ke falak waar mureedon pe he saaya tera

• Ae RAZA cheest-e-gham ar jumlah jahan dushman-e-tust

Kardah am maamane khud qibla-e-haajaate raa